Senin, 01 Februari 2010

ANGKA UMPASA DI NA MARHATA SINAMOT

PARBORU PANISE :

  1. Sai jolo dinangnang do asa dinungnung, sai jolo pinangan do asa sinungkun
  2. Buruk-buruk ni durung parasaran ni sioto, bangkona do manungkun molo so binoto
  3. Danggur ma danggur barat toho tu duhutduhut ditoru ni singkoru, nungnga bosur hami mangan indahan na las sagat marlompan juhut ba hatana paboa hamu ma raja ni boru
  4. Sande sige tu bungkulan ni sopo, bangkona do manise molo sobinoto
  5. Dia ma nuaeng langkatna dia unokna, dia ma nuaeng hatana dia nidokna

PARANAK :

  1. Godang sibutongbutong otik sipirnitondi, tung sosadia pe na hupatupa hami sai pamurnas ma i tu pamatang saudara tu bohi.
  2. Habang pidong halohalo didongani sitapitapi, las ma rohamu manjalo i dope na tarpatupa hami.
  3. Sititi ma sihompa golanggolang pangarahutna, tung otik pe na hupatupa hami sai godang ma pinasuna.
  4. Bulung ni dapdap langkop, ba i dope na ading ba ima taparhajop

PARBORU :

  1. Bagot na marhalto ma na tubu di robean, horas ma hami namanganhon sai martamba sinadongan di hamu na mangalean.
  2. Tubu simarhorahora di topi ni tapian, sai roma tu hamu silas ni roha tiur nang pansarian
  3. Bona ni aek puli di dolok ni sitapongan, sai tubu ma di hamu angka na uli, jala sai dor ma nang pangomoan
  4. Inganan ni puli di hauma salenggam, sai marangkup do nauli mardongan do nadenggan
  5. Ranting ni bulu duri jait masijaotan, angkup ni hata nauli dia ma sitaringotan

PARANAK :

  1. Pitu lili nami paualu jugianami, na uli do nipinami ai dijangkon borumuna do anak nami.
  2. Sapala na mardalani unang ma olat ni sigalangan, sapala naung mangoloi boru muna unang ma diparalangalangan, sai jalo hamu ma anak nami dongan ni boru muna sapanganan.
  3. Inganan ma sibulu dolok ni Sitapongan, barani pe hami manjumpai hamu ndada ala godang ni sinadongan.
  4. Barita ni lampedang, mardangka bulung bira, barita ni burjumu marboru tarbege do rodidia
  5. Amporik marlipik onggang marbabang, gabe do parboli na otik gabe do nang parboli na godang.
  6. Aek godang do aek laut, dos ni roha do sibaen na saut.
  7. Balintang ma pagabe tumundalhon sitadoan, arinta ma gabe molo masipaolooloan.

Minggu, 31 Januari 2010

TARINGOT TU UMPAMA DOHOT UMPASA

UMPAMA = PEPATAH

  1. Niarit lili bahen pambaba, Jolo nidilat bibir asa nidok hata
  2. Lata pe na lata, duhutduhut do sibutbuton, hata pe na hata pangidoan ni hulahula do situruton
  3. Sinuan bulu, sibahen na las, sinuan adat dohot uhum, sibahen na horas 
  4. Barisbaris ni gaja di rura pangaloan, molo marsuru raja dae do so oloan

UMPASA = PANTUN

  1. Molo tampil tu parsoburan, ingkon siat do tu panggagatan, molo tangkas do di partuturan, ingkon dohot do di parjambaran
  2. Marluga sitindaon, mangan hoda sigapiton, tujolo nilangkahon, tu pudi nisarihon
  3. Sande sige tu bungkulan ni sopo, bangkona do manise molo so binoto
  4. Tubu simarhorahora ditopi ni tapian, sai ro ma tu hamu silas ni roha tiur nang pansarian.

RUHUT-RUHUT NI PANGKATAION

  1. Tontuhon parhata 
  2. Molo mandok hata, naengma suarana torang 
  3. Rumang ni pangkataion dibagasan kekeluargaan 
  4. Unangma adong pangkatai na paganjangku 
  5. Molo adong pandohan na so tingkos, dipatingkos dibagasan halambohon 
  6. Molo mamangke umpama, sungkup ma umpama i sada manang dua 
  7. Tama do igilon asa mangkatai, tokoh masyarakat, pejabat na kebetulan adong disi 
  8. Andorang so manutup manang paampuhon tu suhut, denggan do igilon manang na adong dope na taronjar rohana nanaeng mandok hata.